05.05.2026, 00:36

Ирандық Golrang Industrial Group компаниясы Қазақстанда май зауыты мен құс фабрикасын салу жобаларын жүзеге асырады

Жалпы инвестиция көлемі шамамен 120 млн долларды құрайды, жобалар қайта өңдеуді дамытуға және АӨК өнімдері өндірісін арттыруға бағытталған

Қазақстан агроөнеркәсіптік кешендегі инвестициялық ынтымақтастықты кеңейтуді жалғастыруда. Шетелдік инвестицияларды тарту аясында ирандық Golrang Industrial Group компаниясымен екі ірі жобаны — май экстракциялау зауытын және ет бағытындағы құс фабрикасын салу бойынша келісімге қол жеткізілді.

Аталған келісімдер ауыл шаруашылығы вице-министрі Ермек Кенжеханұлының компания басшысы Фазли Мехди Мохаммадкариммен кездесу барысында жасалды. Жобаларға салынатын жалпы инвестиция көлемі шамамен 120 млн АҚШ долларын құрайды.

Golrang Industrial Group өкілдері Қазақстан аумағында бизнесті дамытуға стратегиялық қызығушылық танытатынын атап өтті. Қазіргі уақытта компания болашақ өндірістерді орналастыру үшін өңірлерді қарастыруда.

Бірінші жоба тәулігіне 3 мың тоннаға дейін күнбағыс өңдейтін май экстракциялау зауытын салуды көздейді. Бұл өндіріс үшін тікелей инвестиция көлемі шамамен 70 млн долларды құрайды. Жобаны іске асыру ауыл шаруашылығы шикізатын терең өңдеуді арттыруға және өнімнің қосылған құнын ұлғайтуға мүмкіндік береді.

Екінші бағыт — шамамен 50 млн доллар тұратын ет бағытындағы құс фабрикасын салу. Жоба өндіріс көлемін арттыруға және өнім сапасын жақсартуға бағытталған.

Ортақ жобаларды жүзеге асыру екіжақты ынтымақтастықтың нығаюы аясында жүргізілуде. 2025 жылдың қорытындысы бойынша Қазақстан мен Иран арасындағы агроөнеркәсіптік кешендегі тауар айналымы 55,8%-ға өсіп, 341 млн АҚШ долларынан асты. Бұл ретте бидай мен арпа сияқты дәнді дақылдардан тұратын қазақстандық экспорт шамамен екі есеге артты.

Кездесу қатысушылары бірлескен қайта өңдеу қуаттарын құру елдер арасындағы экономикалық байланыстарды нығайтудың маңызды кезеңі болатынын, сондай-ақ қайта өңдеу өнеркәсібін дамытуға және Қазақстанның аграрлық секторына жаңа технологияларды тартуға ықпал ететінін атап өтті.

 

Қосымша оқыңыз

ШҚО аграрийлері 456,8 мың тонна күнбағыс жинады Дәнді және дәнді-бұршақты дақылдардың жалпы түсімі 428,7 мың тоннаға жетіп, орташа өнімділігі 17,4 ц/га құрады Солтүстік Қазақстан облысы дәнді дақылдардың өнімділігі бойынша көш бастады Өңір аграрийлері 4,9 млн тонна астық жинады, ал ауыл шаруашылығына тартылған инвестициялар көлемі 170,2 млрд теңгеге жетті ҚТЖ-ға астық тасымалдауға берілген өтінімдерді біркелкі бөлуді қамтамасыз ету тапсырылды Астық нарығына қатысушылар тасымалдау жоспарларын келісу және негізгі теміржол бағыттарының өткізу қабілетіне қатысты мәселелерді көтерді Қазақстанда ауыл шаруашылығы санағының қорытындысы бойынша ауыл шаруашылығы кәсіпорындарының саны екі еседен астам өсті 2025 жылғы санақ деректеріне сәйкес, елдегі егіс алқаптары 23,2 млн гектарға жетті, ал майлы дақылдардың үлесі 4%-дан 17%-ға дейін ұлғайды Қазақстан мен Өзбекстан киікті сақтау бойынша бірлескен шаралар туралы келісімге келді Тараптар жануарлардың саны мен көші-қонын бірлесіп бақылауды, браконьерлікпен күресуді және олардың тарихи мекендеу аумақтарын қалпына келтіруді жоспарлап отыр Қостанай облысының аграрийлері форвардтық келісімшарттар бойынша 162,7 мың тонна өнім жеткізді Өңірдегі 73 шаруашылық егіс және егін жинау науқандарын қаржыландыруға қол жеткізді, ал форвардтық келісімшарттар бойынша жеткізілген өнімнің негізгі бөлігін бидай құрады — 137,7 мың тонна Астанада «Самұрық-Қазына» және «Қазақстан темір жолы» басшылары сыбайлас жемқорлыққа күдікпен ұсталды ҰҚК мәліметінше, ұстау 11 қарашада болған. Қазіргі уақытта тергеу әрекеттері жүргізіліп жатыр, тергеудің егжей-тегжейі жарияланбайды Тимур Турлов Қазақстанның агробизнесіне 300 млн доллар инвестиция салуды жоспарлап отыр Turlov Private Holding инвестициялық компаниясы 22 ауыл шаруашылығы кәсіпорны мен алты элеваторды біріктіретін «Қазақстанның астық консорциумы» холдингінің бас компаниясындағы кемінде 51% үлесті сатып алуға ниетті