15.05.2026, 00:18
АҚШ-тағы құрғақшылық бидай өнімінің рекордтық төмендеуіне әкелуі мүмкін
Қатты қызыл күздік бидай өндірісі 25%-ға қысқаруы ықтимал
АҚШ Ауыл шаруашылығы министрлігі (USDA) 2026/27 маусымында елдегі бидай өндірісі 1,56 млрд бушель болады деп болжап отыр. Салыстыру үшін, 2025/26 маусымында бұл көрсеткіш 1,985 млрд бушель деңгейінде бағаланған. Осылайша, болжанған көлем соңғы 54 жылдағы ең төмен көрсеткіш болмақ.
Өнім көлемінің төмендеуі АҚШ-тың бидай белдеуін қамтыған күшті құрғақшылықпен байланысты. USDA бағалауы бойынша, қатты қызыл күздік бидай өндірісі өткен жылмен салыстырғанда 25%-ға қысқарады.
Аграрлық секторға өндірістік шығындардың өсуі де қосымша қысым түсіруде. Ормуз бұғазының жабылуына байланысты жанармай мен тыңайтқыш бағасының қымбаттауы астық өндірісінің өзіндік құнын арттырды. Жағдайды АҚШ президенті Дональд Трамп әкімшілігі енгізген тарифтік даулар мен сауда шектеулерінің салдары одан әрі қиындатып отыр.
Бұған дейін USDA АҚШ-тағы күздік бидай егісінің тек 28%-ы ғана жақсы немесе өте жақсы жағдайда екенін хабарлаған болатын. Бұл соңғы төрт жылдағы вегетациялық кезеңнің осы сатысындағы ең төмен көрсеткіш.
