19.03.2026, 12:02
Қазақстан мен Ресей 2026 жылға арналған шегірткеге қарсы шаралар туралы келісімге келді
Бірлескен жоспар ауыл шаруашылығы алқаптарын шегірткеден қорғауға бағытталған
Қазақстан мен Ресей 2026 жылы шекара маңындағы аумақтарда шегіртке зиянкестерінің таралуының алдын алуға бағытталған бірлескен іс-шаралар жоспарын дайындау және қол қою туралы келісімге келді.
Тиісті шешім Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті мен Ресей Федерациясы Ауыл шаруашылығы министрлігінің өкілдерінің қатысуымен өткен жұмыс кеңесінің қорытындысы бойынша қабылданды.
Талқылау барысында тараптар қазіргі фитосанитарлық жағдайды қарастырып, зиянкестердің таралу ошақтарын мониторингтеу, жедел анықтау және қорғаныс шараларын жүргізу бойынша өзара іс-қимылды күшейту мәселелерін белгіледі.
Екі елдің тиісті қызметтерінің іс-қимылдарын үйлестіру және вегетациялық кезеңде ақпарат алмасуды тиімді ұйымдастыру мәселелеріне ерекше назар аударылды.
Бірлескен жоспарды іске асыру тараптардың әрекеттерін үйлестіруге, ауыл шаруашылығы дақылдарын қорғау бойынша қабылданатын шаралардың тиімділігін арттыруға және шегіртке зиянкестерінің таралу қаупін төмендетуге мүмкіндік береді деп күтілуде. Сонымен қатар, бұл құжат фитосанитарлық қауіпсіздікті нығайтуға және өнімділікті сақтауға ықпал етеді.
