10.02.2026, 04:55
Мемлекеттік инспекторлар ЕАЭО елдерінен жеткізілген өнімдер бойынша өсімдіктер карантині талаптарының 121 бұзушылығын анықтады
Тексеру нәтижелері өсімдіктер карантині талаптарының жүйелі түрде бұзылып отырғанын көрсетті
2026 жылдың басынан бері Еуразиялық экономикалық одақ елдерінен Қазақстан аумағына подкарантиндік өнімдерді әкелу кезінде өсімдіктер карантині саласындағы заңнама талаптарының 121 бұзушылығы анықталды. Бұл бұзушылықтар Ауыл шаруашылығы министрлігі АӨК-дегі КГИ өсімдіктер карантині жөніндегі мемлекеттік инспекторлары тарапынан қаңтар айында жүргізілген тексерулер қорытындысы бойынша тіркелді.
Карантиндік фитосанитарлық бақылау барысында белгіленген талаптарға сәйкес келмейтін өнімдердің әкелінуіне жол берілмеді. Анықталған бұзушылықтардың негізгі себептері фитосанитарлық сертификаттардың болмауы, ілеспе құжаттардағы сәйкессіздіктер, міндетті таңбалаудың жоқтығы, сондай-ақ тауарларды қайталама тексеруге ұсынбау болды.
Атап айтқанда, подкарантиндік өнімді екінші рет тексеруге ұсынбаудың 85 жағдайы және фитосанитарлық талаптарды бұзудың 11 дерегі тіркелді. Сонымен қатар фитосанитарлық сертификаттардың сәйкес келмеуі, таңбалаудың болмауы және карантиндік объектілердің анықталуы сияқты фактілер де тіркелді.
Жүргізілген іс-шаралар қорытындысы бойынша өсімдіктер карантині саласындағы заңнама талаптарын бұзған тұлғалар Қазақстан Республикасы Әкімшілік құқық бұзушылық туралы кодексінің 400-бабына сәйкес әкімшілік жауапкершілікке тартылды.