Қазақстан 2026 жылдың I тоқсанында астық экспортын 17,5%-ға арттырды

2026 жылдың қаңтар–наурыз айларының қорытындысы бойынша «Қазақстан темір жолы» ҰК» АҚ желісі арқылы 64,5 млн тонна жүк тасымалданды, бұл өткен жылдың осы кезеңімен салыстырғанда 360 мың тоннаға артық. Ішкі тасымал көлемі 40,8 млн тоннаны, ал экспорттық тасымал 23,7 млн тоннаны құрады, бұл жылдық есепте 2,2%-ға жоғары.

Астық тиеу көлемі де айтарлықтай өсті: көрсеткіш 15,4%-ға артып, 4,1 млн тоннаға жетті. Оның ішінде астық экспорты 3,3 млн тоннаны құрап, 17,5%-ға өсті.

Сондай-ақ астықты қайта өңдеу өнімдері сегментінде оң динамика тіркелді — олардың экспорты 6,2%-ға өсіп, 570 мың тоннаға жетті.

Бұдан бөлек, тыңайтқыштарды тасымалдау көлемі 3%-ға артып, 1,2 млн тоннаны құрады.