30.06.2026, 23:28
Қазақстанның бірқатар өңірлерінде күнбағыс өнімділігі жоғары болады деп болжануда – Қазгидромет
Алдын ала болжам қолданыстағы және күтілетін агрометеорологиялық жағдайларды ескере отырып жасалған
Қазгидромет 2026 жылға арналған Қазақстандағы күнбағыс өнімділігінің алдын ала болжамын жариялады. Синоптиктердің есептік деректеріне және қалыптасқан әрі күтілетін агрометеорологиялық жағдайларға сәйкес, еліміздің бірқатар өңірлерінде күнбағыс өнімділігі көпжылдық орташа көрсеткіштен жоғары болады деп күтілуде.
Қостанай облысында Алтынсарин, Қарабалық, Қарасу, Қостанай, Меңдіқара аудандарында және Б. Майлин ауданында өнімділік көпжылдық орташа деңгейден жоғары болады деп болжануда. Облыстың қалған аудандарында өнімділік көпжылдық орташа деңгейде болады.
Павлодар облысында күнбағыс өнімділігі көпжылдық орташа көрсеткіштер деңгейінде болады деп күтілуде.
Абай облысында Бородулиха ауданында өнімділік нормадан жоғары болады деп болжанса, Көкпекті және Үржар аудандарында алдын ала бағалау бойынша көпжылдық орташа деңгейде сақталады.
Шығыс Қазақстан облысында аудандардың басым бөлігінде күнбағыс өнімділігі көпжылдық орташа көрсеткіштен жоғары болады деп күтілуде. Тек Ұлан ауданында ғана өнімділік көпжылдық орташа деңгейге жақын болады деп болжанып отыр.
