28.11.2025, 13:36
2500-ден астам вагон: ҚТЖ бос тұрып қалған вагондардың сыни көлемі туралы мәлімдеді
Темір жолдағы кептеліс: мыңдаған жеке вагон астық экспортына кедергі келтіруде
Қараша айының алғашқы онкүндігінде бір мезгілде 2,5 мыңнан астам жылжымалы құрам бірлігі бос тұрды.
«Қазақстан темір жолы» ҰК» АҚ деректері бойынша, жұмыс істемей тұрған вагондар санының айтарлықтай артуы станциялардың өткізу қабілетін шектейтін маңызды факторға айналды. Жалпы бос тұрған құрамның ішінде шамамен 1,5 мыңы — бос вагондар, ал 500-ге жуығы — тиелген вагондар.
Компаниядағылар ұзақ уақыт бойы тұрып қалу себептері инфрақұрылымға да, ұлттық тасымалдаушының жұмысына да байланысты емес екенін атап өтті. Қозғалыссыз вагондардың шамадан тыс көп болуы пойыздарды қабылдау мен жөнелтуді қиындатады, учаскелердегі жылдамдықты төмендетеді және жылжымалы құрамның айналымын ұзартады.
Жағдайды тұрақтандыру үшін ҚТЖ жүк жөнелтушілер мен алушыларға жүк түсіруді және жолдарды босатуды жеделдету, сондай-ақ тиеу алаңдарын уақытылы дайындау туралы өтінішпен жүгінді.
Бұл мәселе жаңа астық маусымының басталуы логистикалық қиындықтармен қатар жүріп жатқан кезеңде салаға салмақ түсіруде. Соңғы апталарда дәстүрлі экспорттық нарықтар бағытында шектеулер мен конвенциялар жиі енгізілуде, бұл нарық қатысушыларының жұмысын одан әрі қиындата түсуде.
Өсіп келе жатқан жүктеме аясында ҚТЖ түйінді учаскелерге түсетін қысымды азайту және қозғалыс кестесінің тұрақтылығын қамтамасыз ету мақсатында пойыздарды қабылдауды кеңейту туралы Қытай және Өзбекстанмен келіссөздер жүргізуде.
