04.08.2026, 00:12
Қазақстаннан астық пен ұн экспорты 13,9 млн тоннаға жетті
Экспорттың негізгі өсімі Орталық Азия елдері мен Ауғанстан нарықтарының есебінен қамтамасыз етілді
2025 жылғы қыркүйектен 2026 жылғы 30 шілдеге дейін Қазақстан астық пен ұнды астық баламасында 13,9 млн тонна көлемінде экспорттады. «Қазақстан темір жолы» ҰК» АҚ мәліметінше, бұл өткен маусымның осы кезеңімен салыстырғанда 12,6%-ға жоғары. Өткен маусымда экспорт көлемі 12,4 млн тоннаны құраған.
Экспорттың негізгі өсімі Орталық Азия елдері мен Ауғанстанға жеткізілімдердің артуы есебінен қамтамасыз етілді.
Өзбекстанға экспорт 36%-ға өсіп, 5,8 млн тоннаға жетті. Қырғызстанға жеткізілім 35%-ға артып, 528 мың тоннаны құрады. Ауғанстанға 2,4 млн тонна астық пен ұн жөнелтілді, бұл өткен жылмен салыстырғанда 57%-ға көп. Түрікменстанға экспорт көлемі 32%-ға өсіп, 220 мың тоннаға жетті.
Теміржол арқылы тасымал көлемінің өсуі қазақстандық ауыл шаруашылығы өнімдеріне деген тұрақты сұранысты, сондай-ақ экспорттық логистиканы дамыту және шетелдік серіктестермен сауда-экономикалық ынтымақтастықты кеңейту бағытында қабылданған шаралардың тиімділігін көрсетеді.
