24.08.2026, 00:25
Жетісу облысында майлы дақылдар алқабы 106,6 мың гектарға жетті
Өңір аграршылары күнбағысты жинауға қазан айында кірісуді жоспарлап отыр
Жетісу облысында майлы дақылдар егіс алқаптарын кеңейту есебінен өсімдік шаруашылығын әртараптандыру жалғасуда. Қазақстан Ауыл шаруашылығы министрлігінің мәліметінше, биыл өңірдегі майлы дақылдардың егіс көлемі 106,6 мың гектарға жетті.
Майлы дақылдардың жалпы алқабының 34,6 мың гектарына күнбағыс егілген. Салыстыру үшін, 2025 жылы облыста бұл дақылға 26,5 мың гектар бөлінген болатын.
Өңір аграршылары күнбағысты жинауға қазан айында кірісуді жоспарлап отыр. Жиналған өнімді отандық кәсіпорындарға қайта өңдеуге жіберу көзделген.
Атап айтқанда, күнбағыс Талдықорған қаласында орналасқан «Жетысу Мажико» Агрокешені» ЖШС-нің өндірістік қуаттарына жеткізілетін болады.
Ауыл шаруашылығы министрлігінің мәліметінше, майлы дақылдар өндірісін ұлғайту отандық қайта өңдеу кәсіпорындарының шикізат базасын кеңейтуге мүмкіндік береді.
Сонымен қатар өндіріс көлемінің артуы ауыл шаруашылығы дақылдарын өсіруден бастап оларды кейіннен қайта өңдеуге және қосылған құны жоғары өнім шығаруға дейінгі толық өндірістік циклді қалыптастыруға жағдай жасайды.
