01.07.2026, 23:40
Қазақстан мен Эстония Еуропаға жүк тасымалын кеңейтуді талқылады
Тараптар Орталық Азия мен Еуропа арасындағы көлік дәліздерін, мультимодальды тасымалдарды және жаңа логистикалық сервистерді дамыту мәселелерін қарастырды
«Қазақстан темір жолы» ҰК» АҚ Басқарма төрағасы Талғат Алдыбергенов «Эстон темір жолдары» АҚ Басқарма төрағасы Мерле Курвитспен кездесті. Келіссөздер барысында тараптар жүк тасымалын кеңейту, көлік инфрақұрылымын дамыту және Орталық Азия мен Еуропаны байланыстыратын жаңа логистикалық сервистерді іске қосу перспективаларын талқылады.
Кездесудің негізгі тақырыптарының бірі Эстонияның теңіз порттарымен өзара іс-қимыл болды. Қатысушылар Қазақстан – Балтық елдері – Еуропа бағыты бойынша жүк тасымалы көлемін ұлғайтуға бағытталған шараларды қарастырды.
Теміржол компанияларының өкілдері ұзақ мерзімді ынтымақтастықты одан әрі дамытуға өзара қызығушылықтарын растады және Транскаспий халықаралық көлік бағыты аясындағы бірлескен бастамаларды талқылады.
Кездесу барысында көлік саласын цифрландыру және инфрақұрылым мониторингі жүйелерін жетілдіру мәселелеріне ерекше назар аударылды. Сонымен қатар, тараптар мультимодальды тасымалдарды дамыту және жаңа жүк ағындарын тарту мүмкіндіктерін қарастырды.
