24.02.2026, 05:37
КРЕМ КТЖ-ның теміржол тарифтерін мерзімінен бұрын көтеру туралы өтінімін кері қайтарды
Ставкаларды шамамен 80%-ға арттыру туралы ұсыныс реттеушінің қолдауын таппады
Қазақстанда теміржол тасымалы тарифтерін мерзімінен бұрын көтеру туралы өтінім кері қайтарылды. Алдағы екі жылда қызмет құны қолданыстағы деңгейде сақталады. Бұл туралы 23 ақпанда Қазақстан теміржол тасымалдаушылары қауымдастығы хабарлады.
Қауымдастықтың мәліметінше, реттеуші ұлттық компания «Қазақстан Темір Жолы» ұсынған құжаттарды келтірілген негіздемелерге қарамастан қарауға қабылдамаған. Тасымалдаушы қарыз қаражаттарына қызмет көрсету шығындарының өсуін және ауқымды инвестициялық бағдарламаны іске асыру қажеттілігін алға тартқан.
Шешімді Табиғи монополияларды реттеу комитеті қабылдады. Осылайша, қолданыстағы тарифтер орта мерзімді кезеңде өзгеріссіз қалады.
Бұған дейін ұлттық компания ставкаларды шамамен 80%-ға арттыру ниеті бар екенін мәлімдеген болатын. Бұл қадам жоғары борыштық жүктемемен және инфрақұрылымды жаңғырту жоспарларымен түсіндірілген. Атап айтқанда, 2026 жылғы 1 сәуірден бастап астық тасымалдау кезінде магистральдық теміржол желісі қызметтеріне тарифтерді екі есеге арттыру жоспарланған еді.
