Қытайға ірі көлемдегі құрама жем ұны Продкорпорацияның қолдауымен жөнелтілді

Отандық өңдеуші кәсіпорындар шығыс бағытындағы экспорттық әлеуетін ұлғайтуды жалғастыруда. Дайын өнім өткізуге бағытталған мемлекеттік стратегияның тиімділігін дәлелдей отырып, Қытайға құрама жем ұны тиелген ірі теміржол құрамы жөнелтілді.

 

Бұл қадам ұлттық оператор – «НҚ «Продкорпорация» АҚ үйлестіретін экспорттық партияларды шоғырландыру бағдарламасының арқасында мүмкін болды. Жеткізу Қазақстан мен ҚХР арасындағы ауыл шаруашылығы саласындағы екіжақты ынтымақтастықты нығайту аясында жүзеге асырылуда.

 

Жаңа партия көлемі 7 000 тонна құрама жем ұны қазақстандық «Қапшағай бидай өнімдері» ЖШС кәсіпорнымен тиеп жөнелтілді. Қабылдаушы тарап – қытайлық Shandong Hi-Speed Qilu International Port Development компаниясы.

 

Аталған жөнелту – бұған дейін Бейжіңде қол жеткізілген келісімдердің тікелей нәтижесі. ҚР Ауыл шаруашылығы министрлігі делегациясының ресми сапары барысында Продкорпорация мен Shandong Hi-Speed Logistics Group атты ірі инвестициялық топ арасында стратегиялық әріптестік туралы келісімге қол қойылды. Тараптар дәнді, майлы дақылдар мен жем-шөп саудасын бірлесіп дамыту ниеттерін бекітті.

 

Экспорттық партияларды біріктіру бағдарламасы нақты қаржылық нәтижелер көрсетуде. Продкорпорацияның қолдауымен қазақстандық бизнес Қытай серіктестерімен 5 ірі келісімшартқа қол қойды.

 

Жасалған мәмілелердің жалпы көлемі 29,6 млн долларды құрады.

 

Қазіргі таңда Қытайға жалпы көлемі 9 000 тоннадан астам құрама жем ұны экспортталды.

 

Сонымен қатар, 3 000 тонна күнбағыс майы жөнелтілді.

 

Бұл үдерісте Продкорпорацияның Бейжіңдегі өкілдігі маңызды рөл атқарады. Офис отандық аграрийлерге сенімді сатып алушыларды табуға, нарыққа шығудағы кедергілерді еңсеруге және шетелдегі іскерлік байланыс желісін кеңейтуге көмектесетін байланыстырушы буын ретінде жұмыс істейді.