06.08.2026, 00:18
Қазақстанда қысқы кезеңге 20 млн тоннаға жуық мал азығы дайындалды
Өңірлерде шөп, пішендеме, сүрлем, сабан және құнарландырылған жем қорын қалыптастыру жалғасуда
Қазақстан өңірлерінде алдағы қысқы қорада ұстау кезеңіне арналған мал азығын дайындау науқаны жалғасуда. Облыс әкімдіктерінің жедел мәліметтері бойынша, 5 тамыздағы жағдайға сәйкес ауыл шаруашылығы тауарын өндірушілер 19,8 млн тонна мал азығын дайындады. Бұл көрсеткіш жоспарланған шөп дайындау көлемінің шамамен 77%-ын құрайды.
Қазіргі уақытта 17,1 млн тонна шөп, 1,5 млн тонна пішендеме, 362,3 мың тонна құнарландырылған жем, 91,7 мың тонна сүрлем және 777,2 мың тонна сабан дайындалды.
Қысқы қорада ұстау кезеңінен тұрақты өту және сақтандыру қорын қалыптастыру мақсатында «Азық-түлік келісімшарт корпорациясы» АҚ көлемі 201,3 мың тонна астықтан тұратын жемдік қор қалыптастырды. Қажет болған жағдайда бұл қор ауыл шаруашылығы тауарын өндірушілерді мал азығымен қамтамасыз ету үшін пайдаланылады.
Мал азығын дайындау жұмыстары еліміздің барлық өңірлерінде жалғасуда. 2026–2027 жылдардағы қысқы қорада ұстау кезеңінің басталуына дейін 25,7 млн тонна шөп, 2,3 млн тонна пішендеме, 2,8 млн тонна сүрлем, 4,8 млн тонна сабан және 5,7 млн тонна құнарландырылған жем дайындау жоспарланып отыр.
