29.04.2026, 00:58
Қостанай облысында форвардтық сатып алу бойынша 15 млрд теңге игерілді, қаржыландыру жалғасуда
Бағдарлама ауыл шаруашылығы тауар өндірушілері тарапынан жоғары қызығушылыққа ие
Қостанай облысында ауыл шаруашылығы өнімдерін форвардтық сатып алу тетігін іске асыруға 15 млрд теңге бөлінді. Бұл қаражат толық көлемде игерілді, алайда облыстық ауыл шаруашылығы басқармасының мәліметінше, аграрийлерді қолдау қосымша қаржы көздері есебінен жалғасуда.
Ағымдағы аптаның басындағы жағдай бойынша ауыл шаруашылығы тауар өндірушілерінен жалпы сомасы 18 млрд теңгеге 134 өтінім түсті. Оның ішінде 17,9 млрд теңгеге 130 өтінім мақұлданды. Нақтысында 104 өтінім бойынша 15,1 млрд теңге қаржыландырылып, 67 шаруашылық қамтылды.
Жасалған келісімшарттар аясында егін жинау науқаны аяқталғаннан кейін ауыл шаруашылығы өндірушілері «Азық-түлік корпорациясына» 205,5 мың тонна ауыл шаруашылығы өнімін жеткізеді, деп хабарлады ведомство.
