23.06.2026, 00:38
ҚазАгроҚаржы аграршыларды қолдау үшін исламдық қаржыландыру тартады
Жаңа тетік аграршыларға Иджара исламдық лизингі қағидаттары бойынша жеңілдетілген қаржыландыруға қол жеткізуге мүмкіндік береді
«Бәйтерек» ұлттық басқарушы холдингінің құрылымына кіретін «ҚазАгроҚаржы» АҚ мен Жеке секторды дамыту жөніндегі Ислам корпорациясы (ICD) ынтымақтастық туралы меморандумға қол қойды. Құжат IsDB Group Annual Meetings 2026 аясында рәсімделді. Бұл – Ислам даму банкі тобының жыл сайынғы кездесуі және исламдық қаржыландыру саласындағы жетекші халықаралық алаңдардың бірі. Ол даму институттары мен мүше мемлекеттердің үкіметтерін біріктіреді.
Қол қойылған келісім «ҚазАгроҚаржы» АҚ-ға 20 млрд теңгеге дейін исламдық қаржыландыру тартуға мүмкіндік береді. Тартылған қаражат Қазақстанның ауыл шаруашылығы тауарын өндірушілерін қолдауға, соның ішінде ауыл шаруашылығы техникасы мен жабдықтарын сатып алуға, сондай-ақ өндірістік активтерді жаңғыртуға бағытталады.
Компания клиенттеріне қаржыландыру Иджара исламдық лизингі механизмі арқылы ұсынылады. Мұндай қаржыландыру шарттары мәміленің барлық параметрлерін алдын ала келісуді және оларды келісімшарттың бүкіл мерзіміне бекітуді көздейді.
Компанияда бұл тетіктің исламдық қаржыландыру қағидаттары мен оның этикалық стандарттарына толық сәйкес келетіні атап өтілді.
