29.05.2026, 00:31
Жамбыл облысында құны 1 млрд доллар болатын күкірт қышқылын өндіретін зауыт іске қосылды
Кешеннің екінші кезегі 72%-ға дайын, оны пайдалануға беру 2027 жылдың бірінші тоқсанына жоспарланған
Жамбыл облысында «ЕвроХим» компаниясының ірі химиялық кешенінің бірінші кезеңі аясында салынған күкірт қышқылын өндіретін зауыт пайдалануға берілді. Жобаны іске асыруға KAZAKH INVEST қолдау көрсетуде, ал инвестициялардың жалпы көлемі 1 млрд долларды құрайды.
Жаңа кәсіпорын жылына 800 мың тонна күкірт қышқылын өндіруге есептелген. Сонымен қатар кешеннің екінші кезеңінің құрылысы жалғасуда. Қазіргі уақытта барлық өндірістік нысандардағы құрылыс-монтаж жұмыстарының дайындығы 72%-ға жетті. Екінші кезеңді пайдалануға беру 2027 жылдың бірінші тоқсанына жоспарланған.
Кешен жобалық қуатына шыққаннан кейін жыл сайынғы өндіріс көлемі 1 млн тоннаға дейін жетеді. Өнім түрлеріне 200 мың тонна дикальцийфосфат, 260 мың тонна калий сульфаты, 130 мың тонна кальций хлориді және 320 мың тонна синтетикалық гипс кіреді.
Жобаны іске асыру нәтижесінде 1 200-ден астам тұрақты жұмыс орны құрылады.
