31.08.2026, 01:04
Қостанай облысының аграршылары дәнді дақылдар алқабының үштен бірін жинап алды
Өңірдегі элеваторлардың жүктемесі 21%-дан сәл асты
Қостанай облысында егін жинау науқаны жалғасуда. 28 тамыздағы жағдай бойынша аграршылар 4 млн га егіс алқабының 1,3 млн гектардан астамынан дәнді дақылдарды жинап алды. Осылайша, егін жинау жұмыстары алқаптардың шамамен үштен бірінде жүргізілді.
Жаңа өнім астығын қабылдау және сақтау үшін өңірде 34 астық қабылдау кәсіпорны дайындалды. Олардың жалпы сыйымдылығы 3 млн тоннаны құрайды. Бүгінгі таңда элеваторлардың жүктемесі 21%-дан сәл асты.
Облыстың ауыл шаруашылығы тауарын өндірушілері егін жинау жұмыстарын жүргізу үшін жеңілдетілген отынмен және қажетті техникамен толық қамтамасыз етілген. Өңір алқаптарында 7 мыңнан астам комбайн жұмыс істеп жатыр.
