07.07.2026, 23:56
АКК егістіктерді сақтандыруға өтінім қабылдау мерзімін 15 шілдеге дейін ұзартты
Топырақтың шамадан тыс ылғалдануы тәуекелінен егістіктерді сақтандыруға өтінімді ЭЦҚ арқылы электрондық форматта беруге болады
«Аграрлық несие корпорациясы» АҚ астық және майлы дақылдардың егістіктерін жинау науқаны кезеңіндегі топырақтың шамадан тыс ылғалдануы тәуекелінен сақтандыруға өтінім қабылдау мерзімінің ұзартылғанын хабарлады. Құжаттарды 2026 жылғы 15 шілдеге дейін тапсыруға болады. Бұл шешім ауыл шаруашылығы тауарын өндірушілерге сақтандыру қорғанысын рәсімдеуге қосымша уақыт беру мақсатында қабылданды.
Сақтандыру шартын жасасуға өтінімді Kezekte.kz платформасы арқылы рәсімдеуге болады.
Бағдарлама Абай облысы, Ұлытау облысы, Ақмола, Ақтөбе, Атырау, Шығыс Қазақстан, Батыс Қазақстан, Қарағанды, Қостанай, Павлодар және Солтүстік Қазақстан облыстарының фермерлеріне қолжетімді.
Сақтандыру қорғауы 2026 жылғы 15 тамыз бен 14 қазан аралығында қолданылады және егін жинау кезеңінде топырақтың шамадан тыс ылғалдануына байланысты тәуекелдерді қамтиды.
Өтінім беруден бастап сақтандыру шартын жасасуға және сақтандыру төлемін алуға дейінгі барлық рәсімдер Kezekte.kz платформасында орналасқан Qalqan агросақтандыру ақпараттық жүйесі арқылы толықтай электрондық форматта жүзеге асырылады. Шартты рәсімдеу үшін электрондық цифрлық қолтаңба (ЭЦҚ) қажет.
Мемлекеттік қолдаудың арқасында аграршылар үшін сақтандыру полисінің құны 80%-ға төмендетілген. Сақтандыру сыйлықақысының негізгі бөлігін мемлекет субсидиялайды, сондықтан ауыл шаруашылығы тауарын өндірушілер сақтандыру құнының тек 20%-ын ғана төлейді.
