07.05.2026, 23:49
Қазақстан маусым басынан бері 11,1 млн тонна астық пен ұн экспорттады
Ең жоғары өсім Өзбекстан, Ауғанстан және Қырғызстан бағыттарында тіркелді
Маркетингтік жылдың басынан бері Қазақстан астық баламасымен есептегенде 11,1 млн тонна астық пен ұн экспорттады. «Қазақстан темір жолы» ҰК» АҚ мәліметінше, 2025 жылғы қыркүйектен 2026 жылғы сәуірге дейінгі кезеңде экспорт көлемі өткен маусымның сәйкес кезеңімен салыстырғанда 13%-ға артқан. Ол кезде экспорт көлемі 9,8 млн тоннаны құраған.
Экспорт көлемінің өсуіне дәстүрлі өткізу нарықтарындағы қазақстандық ауыл шаруашылығы өнімдеріне тұрақты сұраныс, сондай-ақ логистиканың дамуы мен аграрлық секторды мемлекеттік қолдау шаралары ықпал етті.
Поставкалардың ең жоғары өсімі негізгі бағыттар бойынша байқалды. Өзбекстанға астық экспорты 13,8%-ға өсіп, 8,2 млн тоннадан 9,3 млн тоннаға жетті. Қырғызстанға жеткізілім көлемі 1,6 есе артып, 278 мың тоннадан 440 мың тоннаға дейін ұлғайды.
Ауғанстан бағыты бойынша да айтарлықтай өсім тіркелді. Бұл елге жеткізілім көлемі 51%-ға артып, 1,2 млн тоннадан 1,8 млн тоннаға жетті. Түрікменстанға экспорт 1,5 есе өсіп, 123 мың тоннадан 183 мың тоннаға дейін көбейді.
Экспорттың оң динамикасы қазақстандық астыққа сыртқы нарықтарда жоғары сұраныстың сақталып отырғанын және елдің өңірдегі ауыл шаруашылығы өнімдерін жеткізуші жетекші мемлекеттердің бірі ретіндегі позициясының нығайып келе жатқанын көрсетеді.
Қазақстанда экспорт географиясын кеңейту, көлік-логистикалық инфрақұрылымды дамыту және өнімнің қосылған құнын арттыру бойынша жұмыстар жалғасуда.
