23.04.2026, 01:21
Қазақстан Польша арқылы ЕО-ға астық экспортын арттыруда
Логистикалық мүмкіндіктердің кеңеюі астық жеткізілімінің өсуіне ықпал етуде
2026 жылы Қазақстан мен Польшаның теміржол әкімшіліктері арасындағы өзара іс-қимыл тұрақты өсімді көрсетуде. Бірінші тоқсан қорытындысы бойынша екі ел арасындағы тасымалдардың жалпы көлемі 1,5 есеге артып, 752 мың тоннаға жетті.
Қазақстан экспортының құрылымында да оң динамика байқалады: астық жөнелту көлемі айтарлықтай өсті, бұл еуропалық нарықтардағы жоғары сұранысты көрсетеді. Бұл туралы «Қазақстан темір жолы» ҰК хабарлады.
Қазақстанда «Қазақстан темір жолы» ҰК басқарма төрағасы Талғат Алдыбергенов пен «Польша мемлекеттік темір жолдары» АҚ басқарма төрағасы, сондай-ақ Еуропалық теміржол және инфрақұрылым компаниялары қауымдастығының (CER) басшысы Алан Бероудтың жұмыс кездесуі өтті. Тараптар Транскаспий халықаралық көлік маршрутын дамыту аясындағы екіжақты ынтымақтастық перспективаларын талқылады.
Сонымен қатар, Қазақстан мен Польшаның теміржол жүйелері арасындағы стратегиялық әріптестікті тереңдетуге бағытталған бірқатар мәселелер қаралды. Негізгі назар жүк тасымалдарын дамытуға және ҚТЖ мен польша тарапындағы тасымалдаушы компаниялар арасындағы өзара іс-қимылға аударылды.
Осы ретте Қазақстанның негізгі транзиттік буын ретіндегі рөлі де артып келеді. 2026 жылдың қаңтар–наурыз айларында Қытай – Польша бағыты бойынша контейнерлік тасымалдар 44%-ға өсіп, 75,4 мың ЖФЭ құрады.
Кездесу қорытындысы бойынша тараптар Транскаспий бағыты аясында ынтымақтастықты одан әрі кеңейтуге дайын екенін растады.
