27.10.2026, 23:59
ҚТЖ Ресейге, Қытайға және Орталық Азия елдеріне рекордтық 155 пойыз өткізді
Рекордтық көрсеткішке қол жеткізуге пойыздар қозғалысын үйлестіру және көршілес мемлекеттердің теміржол әкімшіліктерімен өзара іс-қимылды күшейту ықпал етті
«Қазақстан темір жолы» ҰК» АҚ сыртқы түйісу пункттері арқылы пойыздарды өткізу бойынша рекордтық көрсеткіш тіркеді. 2026 жылғы 26 қазанның қорытындысы бойынша ұлттық компания көршілес мемлекеттердің теміржол әкімшіліктеріне құрамында шамамен 7,6 мың вагоны бар 155 пойызды өткізді.
Пойыздардың ең көп саны Ресей Федерациясына бағытталды — 72 пойыз. Орталық Азия елдерімен теміржол түйісу пункттері арқылы 50 пойыз өткізілді, тағы 33 пойыз Қытай Халық Республикасы бағытында жүріп өтті.
Ұлттық компанияның хабарлауынша, рекордтық көрсеткішке қол жеткізуге көршілес мемлекеттердің теміржол әкімшіліктерімен жедел өзара іс-қимылды күшейту ықпал етті. Пойыздар қозғалысын келісуге және халықаралық түйісу пункттеріндегі жұмысты үйлестіруге ерекше назар аударылды.
Бұл шаралар теміржол желісінің өткізу қабілетін арттыру, Қазақстанның транзиттік мүмкіндіктерін дамыту және отандық өнім экспортын қамтамасыз етуге жағдай жасау жөніндегі жұмыстар аясында жүзеге асырылуда.
ҚТЖ компанияның халықаралық теміржол өткелдері арқылы экспорттық және транзиттік жүк ағындарының тұрақты өткізілуін ұйымдастыру жұмысын жалғастырып жатқанын да атап өтті.
Қызметтің негізгі бағыттары қатарында халықаралық көлік дәліздерінің мүмкіндіктерін кеңейту, теміржол тасымалдарының тиімділігін арттыру және Қазақстанның көлік-логистикалық әлеуетін одан әрі дамыту бар.
