05.08.2026, 00:41
Қазақстанда азық-түлік өнімдерінің өндіріс көлемі артып келедім
2026 жылдың бірінші жартыжылдығында тамақ өнеркәсібі өнімдерінің өндірісі өткен жылдың сәйкес кезеңімен салыстырғанда 14,7%-ға өсті
Қазақстанның тамақ өнеркәсібінде оң даму үрдісі сақталуда. Бұл туралы Үкімет отырысында Ауыл шаруашылығы вице-министрі Азат Сұлтанов мәлімдеді.
Оның айтуынша, өндіріс көлемінің өсуі негізгі азық-түлік өнімдерінің басым бөлігі бойынша байқалады. 2025 жылдың қорытындысы бойынша азық-түлік өнімдерін өндіру көлемі 4 трлн теңгеге жетіп, алдыңғы жылмен салыстырғанда 8,4%-ға артқан.
Өнеркәсіптің жоғары даму қарқыны 2026 жылдың бірінші жартыжылдығында да сақталды. Осы кезеңде азық-түлік өндірісі өткен жылдың сәйкес кезеңімен салыстырғанда 14,7%-ға өсті.
Агроөнеркәсіптік кешеннің негізгі капиталына салынған инвестициялар да оң динамика көрсетті. Олардың көлемі 1,6 трлн теңгеге жетіп, өткен жылдың көрсеткішінен 46%-ға жоғары болды.
2026 жылдың қаңтар–маусым айларында АӨК-тің негізгі капиталына салынған инвестициялар 926 млрд теңгені құрады, бұл өткен жылдың сәйкес кезеңімен салыстырғанда 55%-ға көп.
