11.06.2026, 00:48

Продкорпорация соңғы үш жылда алғаш рет 2025 жылды таза пайдамен аяқтады

Астықты өткізу көлемінің артуы және борыштық жүктеменің қысқаруы ұлттық оператордың қаржылық тұрақтылығын қалпына келтіруге мүмкіндік берді

«Азық-түлік келісімшарт корпорациясы» ҰК» АҚ 2025 жылдың қорытындысы бойынша оң қаржылық нәтижеге қол жеткізіп, жылды 492,4 млн теңге көлеміндегі таза пайдамен аяқтады. Бұл ұлттық астық операторы үшін соңғы үш жылдағы алғашқы табысты жыл болды.

«Азық-түлік келісімшарт корпорациясы» ҰК» АҚ Басқарма төрағасының бірінші орынбасары Ілияс Исмағұловтың айтуынша, оң нәтижеге борыштық жүктемені төмендету, қаржылық міндеттемелерді оңтайландыру және компания қызметінің тиімділігін арттыру бойынша жүйелі жұмыстың арқасында қол жеткізілді.

Оның сөзінше, Продкорпорация астық нарығының тұрақтылығын қамтамасыз ету және отандық ауыл шаруашылығы тауарын өндірушілерді қолдау жөніндегі маңызды мемлекеттік міндеттерді орындауды жалғастырып келеді. Соңғы жылдары бағаның жоғары құбылмалылығы мен күрделі нарықтық жағдайларға қарамастан, компания мемлекет жүктеген барлық міндеттерді орындап қана қоймай, өзінің қаржылық жағдайын айтарлықтай нығайта алды.

«2025 жылдың қорытындысы бойынша Продкорпорация қайтадан табысты компанияға айналды. Бұл қабылданған басқарушылық шешімдердің тиімділігін және таңдалған даму бағытының тұрақтылығын көрсетеді», – деді Ілияс Исмағұлов.

Қаржылық көрсеткіштердің жақсаруына әсер еткен негізгі факторлардың бірі астық өткізу көлемінің айтарлықтай өсуі болды. Егер 2023 жылы компания 207,9 мың тонна астық өткізсе, 2024 жылы бұл көрсеткіш 501,1 мың тоннаға жетті. Ал 2025 жылдың қорытындысы бойынша ішкі нарыққа және экспортқа жеткізілген астық көлемі 1,3 млн тоннаны құрады.

Осылайша, екі жыл ішінде өткізу көлемі 2023 жылмен салыстырғанда бес еседен астам өсіп, алдыңғы жылдың нәтижесінен екі еседен артық болды.

Сатылым көлемінің артуы ішкі тұтынушылардың қажеттіліктерін қамтамасыз етуге, экспорттық жеткізілімдерді кеңейтуге, тауарлық қорлардың айналымын жеделдетуге және компанияның қаржылық тұрақтылығын нығайтуға мүмкіндік берді.

Борыштық жүктемені азайту бағытында да елеулі нәтижелерге қол жеткізілді. Соңғы екі жылда Продкорпорацияның жиынтық қарызы екі еседен астам қысқарды. Сонымен қатар, қарыздық қаржыландыру құрылымы оңтайландырылып, тартылған қаражаттың құны едәуір төмендетілді. Бұл борышқа қызмет көрсету шығындарын бірнеше есеге азайтуға мүмкіндік берді.

Ілияс Исмағұловтың айтуынша, бүгінде компания тұрақты қаржылық негізбен дамудың жаңа кезеңіне қадам басып отыр. Табыстылықтың қалпына келуі мен борыштық жүктеменің азаюы аграршыларды қолдау құралдарын кеңейтуге, ішкі және сыртқы нарықтардағы жұмыстың тиімділігін арттыруға, сондай-ақ елдің азық-түлік қауіпсіздігі саласындағы мемлекеттік саясат міндеттерін одан әрі іске асыруға қосымша мүмкіндіктер береді.

Қосымша оқыңыз

Азық-түлік корпорациясы пилоттық жоба аясында 2,4 мың тоннадан астам жасымық қабылдады Ұзақ мерзімді форвардтық сатып алу бағдарламасына Солтүстік Қазақстан және Ақмола облыстарының бес шаруашылығы қатысуда Қарашада Ресей бидайының экспорты 2,7 млн тоннаға дейін төмендеуі мүмкін Теміржол инфрақұрылымының шамадан тыс жүктелуі, астық тасымалдайтын вагондардың тапшылығы және кеме қатынасына қойылған шектеулер Ресей астығын сыртқы нарықтарға жеткізу тәуекелдерін арттыруда ҚТЖ Құрық порты арқылы экспорттық жүктерді жөнелтуге уақытша тыйым салды 1 185 вагонның жиналып қалуына байланысты шектеулер 2026 жылғы 19–30 қараша аралығында қолданылады Қазақстанда аграрийлерді жеңілдетілген қаржыландыру көлемі 1,2 трлн теңгеге жетті 2026 жылдың он айында ауыл шаруашылығының жалпы өнім көлемі 5,2%-ға өсіп, 8,9 трлн теңгеге жетті, ал субсидия түріндегі мемлекеттік қолдаумен 25 мыңға жуық шаруашылық қамтылды ШҚО аграрийлері 456,8 мың тонна күнбағыс жинады Дәнді және дәнді-бұршақты дақылдардың жалпы түсімі 428,7 мың тоннаға жетіп, орташа өнімділігі 17,4 ц/га құрады Солтүстік Қазақстан облысы дәнді дақылдардың өнімділігі бойынша көш бастады Өңір аграрийлері 4,9 млн тонна астық жинады, ал ауыл шаруашылығына тартылған инвестициялар көлемі 170,2 млрд теңгеге жетті ҚТЖ-ға астық тасымалдауға берілген өтінімдерді біркелкі бөлуді қамтамасыз ету тапсырылды Астық нарығына қатысушылар тасымалдау жоспарларын келісу және негізгі теміржол бағыттарының өткізу қабілетіне қатысты мәселелерді көтерді Қазақстанда ауыл шаруашылығы санағының қорытындысы бойынша ауыл шаруашылығы кәсіпорындарының саны екі еседен астам өсті 2025 жылғы санақ деректеріне сәйкес, елдегі егіс алқаптары 23,2 млн гектарға жетті, ал майлы дақылдардың үлесі 4%-дан 17%-ға дейін ұлғайды