11.08.2026, 23:50
Ресей бидай экспортына салынатын баж салығын 57 есе арттырады
Астық экспортына қатысты жаңа баж мөлшерлемелері 12–18 тамыз аралығында қолданылады
12 тамыздан бастап Ресейде бидай экспортына салынатын кедендік баж салығы айтарлықтай өседі. Ресей Федерациясы Ауыл шаруашылығы министрлігінің мәліметінше, мөлшерлеме өткен аптамен салыстырғанда 57 есе өсіп, тоннасына 5,7 рубльден 326,6 рубльге дейін ұлғаяды.
Сонымен қатар, жүгері экспортына салынатын баж салығы тоннасына 127,2 рубльден 105 рубльге дейін төмендейді. Ал арпа экспортына арналған мөлшерлеме өзгеріссіз қалып, нөлдік деңгейде сақталады.
Жаңа мөлшерлемелер келесі индикативтік бағалар негізінде есептелді: бидай – тоннасына 230 АҚШ доллары (бұған дейін 229,4 доллар), арпа – 190,9 доллар (191,1 доллар), жүгері – 224,2 доллар (230,2 доллар).
Жаңартылған экспорттық баж мөлшерлемелері 12–18 тамыз аралығында (қоса алғанда) күшінде болады.
