18.06.2026, 00:24

Қазақстанда бидай импортын алты айға шектеуі мүмкін

Бұйрық жобасы отандық астық өндірушілерді қолдауға және өнімді тұрақты өткізуге бағытталған

Қазақстан Республикасы Ауыл шаруашылығы министрлігі бидай импортына уақытша шектеулер енгізу туралы бұйрық жобасын қоғамдық талқылауға шығарды. Құжатта бұл өнімді автомобиль, су және теміржол көлігі арқылы ел аумағына әкелуге тыйым салу қарастырылған.

Жобаны әзірлеуге 2026 жылғы 5 маусымда қабылданған Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның шешімі негіз болды.

Жобаға сәйкес, Еуразиялық экономикалық одаққа мүше мемлекеттерден және үшінші елдерден Қазақстан Республикасының аумағына ТН ВЭД ЕАЭО 1001 коды бойынша бидай импортын алты ай мерзімге шектеу ұсынылады. Шектеулер автомобиль, су және теміржол көлігімен жеткізілетін өнімге қолданылады.

Сонымен қатар бірқатар ерекшеліктер қарастырылған. Теміржол көлігі арқылы бидай әкелуге құс шаруашылығы кәсіпорындарына, ұн тарту ұйымдарына, лицензияланған элеваторларға және «Азық-түлік келісімшарт корпорациясы» ұлттық компаниясы» АҚ-на рұқсат беріледі.

Бұл ретте құс фабрикалары мен ұн тарту кәсіпорындарының мекенжайына жеткізілген бидай Қазақстанның ішкі нарығында да, сыртқы нарықтарда да сатылмайды.

Шектеулер Қазақстан аумағы арқылы жүзеге асырылатын теміржол транзитіне, сондай-ақ Еуразиялық экономикалық одаққа мүше бір мемлекеттің аумағынан екінші мемлекетінің аумағына Қазақстан арқылы өтетін жүктерге қолданылмайды.

Уақытша тыйым енгізу отандық ауыл шаруашылығы тауарын өндірушілерді қолдауға және астық өнімдерін өткізудің тұрақты арналарының сақталуына ықпал етеді деп күтілуде.

Бұйрық жобасы қоғамдық талқылау үшін жарияланды. Құжат бойынша ескертулер мен ұсыныстар 21 маусымға дейін қабылданады.

Қосымша оқыңыз

Азық-түлік корпорациясы пилоттық жоба аясында 2,4 мың тоннадан астам жасымық қабылдады Ұзақ мерзімді форвардтық сатып алу бағдарламасына Солтүстік Қазақстан және Ақмола облыстарының бес шаруашылығы қатысуда Қарашада Ресей бидайының экспорты 2,7 млн тоннаға дейін төмендеуі мүмкін Теміржол инфрақұрылымының шамадан тыс жүктелуі, астық тасымалдайтын вагондардың тапшылығы және кеме қатынасына қойылған шектеулер Ресей астығын сыртқы нарықтарға жеткізу тәуекелдерін арттыруда ҚТЖ Құрық порты арқылы экспорттық жүктерді жөнелтуге уақытша тыйым салды 1 185 вагонның жиналып қалуына байланысты шектеулер 2026 жылғы 19–30 қараша аралығында қолданылады Қазақстанда аграрийлерді жеңілдетілген қаржыландыру көлемі 1,2 трлн теңгеге жетті 2026 жылдың он айында ауыл шаруашылығының жалпы өнім көлемі 5,2%-ға өсіп, 8,9 трлн теңгеге жетті, ал субсидия түріндегі мемлекеттік қолдаумен 25 мыңға жуық шаруашылық қамтылды ШҚО аграрийлері 456,8 мың тонна күнбағыс жинады Дәнді және дәнді-бұршақты дақылдардың жалпы түсімі 428,7 мың тоннаға жетіп, орташа өнімділігі 17,4 ц/га құрады Солтүстік Қазақстан облысы дәнді дақылдардың өнімділігі бойынша көш бастады Өңір аграрийлері 4,9 млн тонна астық жинады, ал ауыл шаруашылығына тартылған инвестициялар көлемі 170,2 млрд теңгеге жетті ҚТЖ-ға астық тасымалдауға берілген өтінімдерді біркелкі бөлуді қамтамасыз ету тапсырылды Астық нарығына қатысушылар тасымалдау жоспарларын келісу және негізгі теміржол бағыттарының өткізу қабілетіне қатысты мәселелерді көтерді Қазақстанда ауыл шаруашылығы санағының қорытындысы бойынша ауыл шаруашылығы кәсіпорындарының саны екі еседен астам өсті 2025 жылғы санақ деректеріне сәйкес, елдегі егіс алқаптары 23,2 млн гектарға жетті, ал майлы дақылдардың үлесі 4%-дан 17%-ға дейін ұлғайды