03.03.2026, 10:56
Қазақстанға әкелінген қызанақ тұқымдарының партиясынан карантиндік вирус анықталды
Бұзушылық жоспарлы карантиндік фитосанитариялық бақылау барысында анықталды
Қарағанды облысында карантиндік фитосанитариялық бақылау барысында импортталған қызанақ тұқымдарынан қауіпті вирус анықталды. Тексеруді облыстық аумақтық инспекцияның өсімдіктер карантині жөніндегі мемлекеттік инспекторы жүргізді. Зертханалық талдау үшін Ресей Федерациясынан әкелінген 130 қап тұқымнан сынамалар алынды.
«Фитосанитария» РМК жүргізген карантиндік фитосанитариялық сараптама қорытындысына сәйкес, зерттелген үлгілерден қызанақ жемістерінің қоңыр әжімділік вирусы (Tomato brown rugose fruit virus, ToBRFV) анықталды. Аталған вирус Қазақстан аумағында карантиндік объектілер тізбесіне енгізілген.
Анықталған құқық бұзушылық бойынша әкімшілік іс материалдары Қазақстан Республикасының қолданыстағы заңнамасына сәйкес шешім қабылдау үшін сотқа жолданды.
Ауыл шаруашылығы министрлігі сыртқы экономикалық қызмет субъектілеріне карантиндік өнімді ел аумағына әкелу кезінде өсімдіктер карантині және фитосанитариялық нормалар талаптарын қатаң сақтау қажеттігін еске салады. Белгіленген бақылау рәсімдері мен қауіпсіздік талаптарын сақтау елдің фитосанитариялық қауіпсіздігін қамтамасыз етудің және аграрлық сектордың тұрақты дамуының маңызды шарты болып табылады.
