07.09.2026, 01:16
Азық-түлік корпорациясы Қазақстанға бидай импорттайтын жалғыз компания болуы мүмкін
Бидай әкелу ережелеріне өзгерістер енгізу жобасы 14 қыркүйекке дейін талқылауда болады
Қазақстанның Ауыл шаруашылығы министрлігі елге бидай импорттауға қатысты қолданыстағы шектеулерді өзгертуді көздейтін бұйрық жобасын әзірледі.
Түзетулер ҚР АШМ-нің 2026 жылғы 11 шілдедегі № 273 «Қазақстан Республикасының аумағына бидайды автомобиль, су және теміржол көлігімен әкелуге тыйым салуды енгізу туралы» бұйрығына енгізу ұсынылып отыр.
Жобаға сәйкес, ЕАЭО СЭҚ ТН 1001 коды бойынша жіктелетін бидайды үшінші елдерден де, Еуразиялық экономикалық одаққа мүше мемлекеттерден де Қазақстанға әкелуге алты ай мерзімге тыйым салу жоспарланып отыр. Шектеулер автомобиль, су және теміржол көлігімен жүзеге асырылатын жеткізілімдерге қатысты болады.
Жалғыз ерекшелік ретінде бидайды теміржол көлігімен «Азық-түлік келісімшарт корпорациясы» ұлттық компаниясы» АҚ атына жеткізу мүмкіндігін сақтау ұсынылады.
Осылайша, өзгерістер қабылданған жағдайда бұрын ерекшеліктер тізіміне кірген қайта өңдеу кәсіпорындары, құс фабрикалары және лицензияланған элеваторлар Қазақстанға бидайды өз бетінше импорттай алмайды.
Бұйрық жобасын талқылау 14 қыркүйекке дейін жалғасады деп күтілуде.
Құжат алғашқы ресми жарияланған күнінен бастап күшіне енеді деп көзделіп отыр.
