Қазақстанда дәнді дақылдардың 61,6%-ы жиналды

Қазақстанда егін жинау науқаны жалғасуда. Аграршылар өнім жинап, ішкі нарықты ауыл шаруашылығы өнімдерімен қамтамасыз ету жұмыстарын жүргізуде. Азық-түлік қауіпсіздігі мәселелері Президент Қасым-Жомарт Тоқаевтың Қазақстан халқына Жолдауында белгіленген басым бағыттардың қатарына кіреді.

Ауыл шаруашылығы министрлігінің мәліметінше, 9 қыркүйектегі жағдай бойынша дәнді дақылдар 9,6 млн га алқаптан жиналды, бұл жалпы алқаптың 61,6%-ын құрайды. Орташа өнімділік 14,1 ц/га болған кезде 13,5 млн тонна астық бастырылды. Биылғы егін жинау жұмыстарының қарқыны 2025 жылдың сәйкес кезеңіндегі көрсеткіштерден айтарлықтай жоғары. Бұл ретте келіп түсіп жатқан өнімнің сапалық сипаттамалары тұрақты болып отыр.

Лицензияланған астық қабылдау кәсіпорындарына 2,83 млн тонна астық келіп түсті. Өткен жылдың сәйкес кезеңінде қабылдау көлемі 552,7 мың тоннаны құраған. Осылайша, сақтауға келіп түскен астық көлемі бес еседен астам өсті.

Зертханалық зерттеулердің нәтижесі бойынша келіп түскен жұмсақ бидайдың 93%-ы азық-түліктік сыныптарға жатады. Үшінші сыныпты бидайдың үлесі 75%, төртінші сыныпты бидайдың үлесі 18% құрайды. Бесінші сыныпты бидай мен сыныпсыз астықтың үлесі — 7%.

Зерттелген жұмсақ бидайдың 51%-ында желімтік мөлшері 28%-дан жоғары екені анықталды. Тағы 23,6%-ында бұл көрсеткіш 25–27% аралығында, ал 25,4%-ында 23–24% деңгейінде.

Алынған көрсеткіштер жаңа өнімнің жоғары азық-түліктік әлеуетін көрсетіп, ішкі нарықты сапалы астықпен қамтамасыз етуге, сондай-ақ Қазақстанның агроөнеркәсіптік кешенінің экспорттық әлеуетін одан әрі дамытуға қажетті жағдай қалыптастырады.

Ауыл шаруашылығы министрлігі өңірлік әкімдіктермен бірлесіп, егін жинау жұмыстарының қарқынын, астықты қабылдау мен сақтауды, оның сыныптылығын, сондай-ақ ауыл шаруашылығы кәсіпорындарының қажетті ресурстармен қамтамасыз етілуін бақылауды жалғастыруда.

Басқа ауыл шаруашылығы дақылдарының 6,3 млн тоннадан астам өнімі жиналды.

Сонымен қатар өңірлерде басқа да негізгі ауыл шаруашылығы дақылдарын жинау жалғасуда. Қазіргі уақытта 906,5 мың тонна майлы дақыл тұқымы, 2,4 млн тонна көкөніс, 1,8 млн тонна бақша дақылдары және 1,2 млн тонна картоп жиналды.

Дала жұмыстарын жүргізуді өңірлік штабтар үйлестіріп, егін жинау науқанын уақтылы аяқтауға қажетті жағдайларды қамтамасыз етуде.

Егін жинау және күзгі дала жұмыстарын жүргізу үшін өңірлерге 401,1 мың тонна дизель отыны бөлінді. Сондай-ақ ауыл шаруашылығы тауарын өндірушілерді минералдық тыңайтқыштармен қамтамасыз ету жалғасуда. Жылдық қажеттілік 2,3 млн тонна болған жағдайда 2 млн тонна тыңайтқышқа келісімшарттар жасалып, тиісті көлем жөнелтілді, бұл жылдық көлемнің 85%-ына сәйкес келеді.

Қажетті ресурстармен қамтамасыз ету ағымдағы егін жинау науқанын аяқтаумен қатар аграршыларды келесі өндірістік циклге дайындауға мүмкіндік береді.

Қазіргі кезеңде негізгі міндеттер ретінде егін жинау жұмыстарын уақтылы аяқтау, жиналған өнімнің сақталуын қамтамасыз ету, астықты сапалы қабылдау және азық-түліктік астықтың жеткілікті қорын қалыптастыру белгіленіп отыр.

Жаңа өнімнің күтілетін көлемі жоғары азық-түліктік әлеуетті көрсетіп, ішкі нарықты сапалы астықпен қамтамасыз етуге және отандық АӨК-тің экспорттық әлеуетін одан әрі дамытуға жағдай жасайды. Елдің азық-түлік қауіпсіздігін қамтамасыз ету және агроөнеркәсіптік кешенді тұрақты дамыту жұмыстары жалғасуда.