21.04.2026, 01:28
Қазақстанда бидай мен арпаны тікелей сатып алу басталды
Бағалар астық сапасы мен негізгі көрсеткіштерді ескере отырып қалыптастырылған
«Азық-түлік келісімшарт корпорациясы» АҚ 2024–2025 жылдардағы өнім бойынша бидай мен арпаны тікелей сатып алуды бастады. Сатып алу EXW шарттарымен аккредиттелген элеваторлар арқылы жеткізілгеннен кейін төлем жасау негізінде жүзеге асырылады. Жеткізушілер ретінде ауыл шаруашылығы тауар өндірушілері мен трейдерлер қатысады. Қазақстанның Астық одағының мәліметінше, бұл бастама ішкі астық нарығына оң әсер еткен.
ЗСК талдау комитетінің жетекшісі Евгений Карабанов өзінің Telegram-арнасында хабарлағандай, ҚҚС 16% есебімен Продкорпорацияның сатып алу бағалары келесідей белгіленген:
▪️ 23–24 клейковиналы 3-сыныпты жұмсақ бидай — натурасына, ақуыз мөлшеріне және құлау санына байланысты тоннасына 95–97 мың теңге;
▪️ 25–26 клейковиналы 3-сыныпты жұмсақ бидай — натурасы мен құлау санына байланысты тоннасына 98–100 мың теңге;
▪️ 27 клейковиналы 3-сыныпты жұмсақ бидай — ақуыз бен құлау санына байланысты тоннасына 110–115 мың теңге;
▪️ 4-сыныпты жұмсақ бидай — клейковинасы, натурасы, ақуызы және құлау санына байланысты тоннасына 90–92 мың теңге;
▪️ 5-сыныпты жұмсақ бидай — тоннасына 88 мың теңге;
▪️ 2-сыныпты арпа — тоннасына 89 мың теңге.
«Азық-түлік келісімшарт корпорациясы» АҚ Қазақстанның ұлттық астық операторы болып табылады. Компания елдің азық-түлік қауіпсіздігін қамтамасыз ету, ішкі астық нарығын тұрақтандыру, ауыл шаруашылығы өндірушілеріне қаржылық қолдау көрсету және астықты экспортқа шығару қызметтерін атқарады.
