13.05.2026, 23:56
Қазақстаннан астық экспорттық тасымалының көлемі өсуді жалғастыруда
Өсім құрама жем, ұн өнімдері және химиялық тыңайтқыштар тасымалында да тіркелді
2026 жылдың қаңтар–сәуір айларының қорытындысы бойынша ҚТЖ желісіндегі жүк тасымалының көлемі 84,4 млн тоннаны құрады. Оның ішінде ішкі тасымал көлемі 54 млн тонна болса, экспорттық тасымалдар 8%-ға өсіп, 30,4 млн тоннаға жетті.
Астық тасымалы сегментінде де оң динамика сақталуда. Биылғы жылдың алғашқы төрт айында астық тасымалының көлемі 13%-ға артып, 5,3 млн тоннаны құрады. Сонымен қатар астық экспорты 14,4%-ға өсіп, 4,2 млн тоннаға жетті.
Астық өңдеу өнімдерін тасымалдау көлемі де ұлғайды. Ұн өнімдерін тасымалдау 3%-ға өсіп, 1 млн тоннаны құрады. Құрама жем тасымалында айтарлықтай өсім тіркелді — бұл өнім түрінің тасымалы 62%-ға артып, 1,3 млн тоннаға жетті.
Бұдан бөлек, ҚТЖ желісінде химиялық тыңайтқыштарды тасымалдау көлемі де артты. Қаңтар–сәуір айларының қорытындысы бойынша олардың көлемі 3,7%-ға өсіп, 1,7 млн тоннаны құрады.
